"Igandea egun berezia izan zan Arrasateko kantuzaleontzat. Gure belarriek ez dute horrelako soinu zoragarririk entzungo luzaroan.

Antioch taldeak goi mailako emanaldia eskaini zigun atzo San Juan Parrokiara hurbildu ginen guztioi. Hainbat gauza nabarmenduko genituzke atzoko kontzertutik: kalitatea eta profesionaltasuna beraien ahotsetan, musikazaletasuna beraien begiradan, irrifarrean eta adierazpenean, jakintasuna aukeratutako egitarauan, apaltasuna izaeran, indarra eta kemena kantu batzuetan, goxotasuna eta maitasuna bestetan,...
 
Datorren ostiralean, hilak 31, Tolosako Nazioarteko Abesbatzen Txapelketan parte hartuko dute eta seguruenik sariren bat jasotzeko aukerak izango dituzte, igandekoa ikusita.
 
Gure eskerrik beroenak lerro hauetatik Arrasateko Udalari bere eskuzabaltasunagatik eta Tolosako CITeri kontzertu honen antolaketan eskaini digun laguntzagatik."

 Rakel Murgiondo