MONDRABERRI, ARRASATEKO ATARIA

Mondraberri, 2009ko urriaren 25a 

Webgunearen bertsio berria ezarri zenetik, 'Arrasateko Ataria'ren ohiartzuna eta eragina etengabe ari da handitzen eta zabaltzen, aurreikuspen hoberenak ere behin eta berriz gaindituz.  Hala erakusten du Google Analytics-ek azken txostenak (2009ko irailak 23 - urriak 23, hilabeteari dagokiona) eman dituen datuen azterketak ere. 

Hauek dira datu esanguratsuenak:

Hilabetean ikusitako orrialdeak: 286.407 

Iaz, epe berdinean: 155.648

(+ % 84,01)

   

Izandako bisitak: 37.451 

Iaz, epe berdinean: 21.824

(+ % 71,60)

       

Webgunearen erabiltzaile bakarrak: 9.240 

Iaz, epe berdinean:  5.469

(+ % 68,95)

 

Bisita bakoitzean ikusitako orrialde kopurua: 7, 65 

Iaz, epe berdinean: 7,13

(+ % 7,23)

      

Eguneko 1.400 bisita, bataz beste

Egunero, bataz beste, 1.400 bisita jasotzen ditu Mondraberrik 900 erabiltzaile desberdinek eginak. Ikusten diren orrialdeak, berriz, egunero, 10.600 inguru izaten dira.

Aste bateko datuak 

Aste bateko epea erreferentzia hartuz, hauxe da emaitza: ia 3.000 erabiltzaile desberdinek 8.800 bisita egiten dute, 67.000 orrialde ikusteko.

Astelehenetan gehien

Lanegunei dagokionez, astelehena da egunik oparoena  (1.540 bisita, bataz beste) eta ostirala apalena (1.300 bisita).  Asteburuetan bisita kopurua erdira-edo jaisten da (655 larunbatetan eta 745 igandetan).

Egunik oparoenak

Neurtutako epean (Irailak 23 / Urriak 23) erabilpen gehien izan duten egunak hauek izan dira:

Irailak 28, astelehena   1.703 bisita      1.004 erabiltzaile     15.793 orrialde ikusiak  

Urriak  5, astelehena  1.853 bisita      1.115 erabiltzaile     16.922 orrialde ikusiak

Urriak 20, asteartea     1.679 bisita      1.075 erabiltzaile     11.150 orrialde ikusiak

Urriak 23, ostirala        1.792 bisita      1.106 erabiltzaile     13.031 orrialde ikusiak

1.500 bisita eguneko, gabonak baino lehen

Erritmo honi jarraituz, gabonak baino lehen, eguneroko muga hauek (1.500 bisita, 1.000 erabiltzaile eta 12.000 orrialde ikusita) gaindituko dira, webgunearen arduradunen ustez.

Bisiten % 4,38 atzerritik egiten dira

Azkenik, kuriositate gisa, aipagarria da bisitak atzerriko 60 herrialdetatik egin direla:

Zenbat? Bisiten % 4,38, 37.451-tik 1.641, hain zuzen.

Nondik? Hona hemen kopuruaren araberako ordenean adierazita: Ameriketako Estatu Batuak (198), Erresuma Batua (179), Frantzia ((154), Txekia (137), Suitza (130), Danimarka (108), Irlanda (106), Mexiko (91), Italia (88), Finlandia (76), Alemania (74), Txina (62), Belgika (61), Australia (37), …. gainontzekoak (140)