Esta web utiliza cookies, puedes ver nuestra la política de cookies, aquí
Política de cookies +
Otsaila eztiegia, primadera txirtxilegia

ORIENTACIÓN AL USUARIO

Hemen zaude:
 
Kirol prebia
Gure kirol taldeek asteburu interesgarria dute aurretik
Mondrak, ARTk eta Mondragon Unibertsitateak Arrasaten jokatuko dute. Leintz Arizmendik berriz, Aretxabaletako Ibarra futbol-zelaian jokatuko du larunbatean. Ford Mugarrik derbya jokatuko du Aloña Mendiren aurka Oñatin, eta Modratek Leioara bidaiatuko du.

Testua: Marijo Simon. Argazkia: MB artxiboa. 2019ko azaroak 15, ostirala.

 (id: 375799)Errugbiak irekiko du jardunaldia.  Euskal Ligako 2. Mailako taldeek bigarren itzuliari ekingo diote eta, seigarren jardunaldiaren baitan, Arrasate Errugbi Taldeko seniorrek bigarren sailkatu Iruñea hartuko dute Mojategin.  Norgehiagoka zapatu arratsaldean, 16:00etan hasita, jokatuko da Mojategin, eta bertan Julen Barrutiaren mutilek orain arteko bolada onari jarraipena ematea bilatuko dute.

 (id: 572960)Bestalde, Futbol zaleek saio bikoitza izango dute larunbat arratsaldean. Arratsaldeko 16:30tik aurrera, Mondrak etxean Real Union hartuko du. Asier Olaizola entrenatzaile berriaren aurkezpena izango da bere zaleen aurrean.  Bestalde, Leintz Arizmendiko neskek Ibarra futbol-zelaian jokatuko dute Tolosaren aurka. Hitzordua arratsaldeko 18:00etan izango da bailarako neskentzat.

 (id: 625223)Eskubaloiari dagokionez, Ford Mugarrik derbya jokatuko du Aloña Mendiren aurka. Oraingoan norgehiagoka Oñatin jokatuko da Zubikoa kiroldegian, eta hitzordua arratsaldeko 18:15ean izango da. Erroka berri bat arrasatearrentzat, eta bigarren partidua jarraian etxetik kanpo Patxi Garciaren mutilentzat.

 (id: 676096)Igandean berriz, Mondratek etxetik kanpo bere lehen garaipena lortzeko asmoarekin bidaiatuko du igandean Leioara. Arratsaldeko 18:15tik aurrera Sakonetas kiroldegian Leioa Ibaraki taldearen aurka jokatuko du.  Jon Zabalaren mutilek galdu gabe jarraitzen dute etxean, baina etxetik kanpo oraindik ez dute irabazi.

 (id: 728352)Bitartean, Iturripeko kiroldegian Mondragon Unibertsitateak Nissan Grupo de Santiagoren aurka jokatuko du 18:30ean. Lehenengo porrota Tabirakoren aurka jasan ondoren, garaipenaren ibilbidera bueltatzeko asmoarekin irtengo dira kantxara Iñaki Ogaranen mutilak. Mondravember elkartearen kideak bertan egongo dira txapak, erripak,... saltzen, eta jokalariekin argazkia bat egingo dute ere.

 

EREMU PRIBATUA


Copyright © 2008 - MONDRABERRI
Mondraberri@gmail.com - www.mondraberri.com
Tel: 943 797837 - Arrasate Pasealekua 3-bajo / P.K. 101 - 20.500 - ARRASATE