Esta web utiliza cookies, puedes ver nuestra la política de cookies, aquí
Política de cookies +
Otsaila eztiegia, primadera txirtxilegia

ORIENTACIÓN AL USUARIO

Hemen zaude:
 
Mikel Landa LABORAL Kutxaren Arrasateko egoitzan izan da
LABORAL Kutxak eta Euskadi Fundazioak hitzarmena sinatu dute harrobiko txirrindularitza bultzatzeko
Kadeteak, gazteak eta 23 urtez azpikoen elitea, emakumezko zein gizonezkoetan, babestera mugatuko da lankidetza.

 (id: 2596543)Xabier Egibar, LABORAL Kutxako Negozio Garapenerako zuzendaria eta Mikel Landa, Euskadi Txirrindularitza Fundazioko presidentea. 

 

 

Testua eta argazkiak: LABORAL Kutxa / Beheko testua: mondraberri.eus / 2018ko abenduak 4, asteartea

 

LABORAL Kutxa euskal kreditu-kooperatibak eta Euskadi Txirrindularitza Fundazioak lankidetza-hitzarmena sinatu dute, Fundazioak esparru profesionaletik kanpo bultzatzen duen oinarriko txirrindularitza babesteko.

 

LABORAL Kutxak gazteei euren gaitasunak eta prestakuntza ahalik eta duintasunik

handienarekin garatzen lagunduko dieten oinarriko proiektuetara bideratzen ditu, nagusiki, kirol-babesak, eta emakumeak eta gizonak berdintzat hartzen dituen alderdi inklusiboak ere funtsezkoak dira bere filosofian.

 

Ildo horretan, epe luzerako lankidetza-esparrua aurreikusten du hitzarmenak, oinarriko edo harrobiko txirrindularitzara mugatua, eta Fundazioaren inguruan sortzen diren emakumeen zein gizonen talde guztiak hartzen ditu barne: kadeteak, gazteak eta 23 urtez azpikoen elitea.

 

Hitzarmena sinatzeko ekitaldi formala LABORAL Kutxaren Arrasateko egoitzan egin dute Xabier Egibar LABORAL Kutxako Negozio Garapenaren Areako zuzendariak eta Mikel Landa Euskadi Txirrindularitza Fundazioko lehendakariak.

 

Protokolozko sinaduraren ostean, pozik azaldu du Mikel Landak: «Garrantzi handikoa da

guretzat LABORAL Kutxaren babesa izatea, datozen urteetan gure eginkizuna aurrera

eramateko». Txirrindulari arabarrak gogorarazi duenez, Fundazioaren erronka nagusia da

belaunaldi gazteei erraztasunak ematea txirrindularitzan jarduteko: «Gure ametsa da nahi duten Euskadiko neska-mutilei txirrindularitzan albait baldintzarik onenetan jarduteko aukera ematea».


Bestalde, Xabier Egibarren hitzetan: «% 100ean gatoz bat Fundazioaren helburuekin. Bi

erakundeok oso sakon ditugu sustraiak lurraldean eta ahaleginaren, hobekuntzaren eta

elkarlanaren balioetan oinarritzen gara gure jarduera gauzatzeko». Euskal zuzendariak erantsi du: «Gazteen artean txirrindularitza bultzatzea bide ezin hobea da bizimodu osasungarria sustatzeko eta ingurunea hobeto zainduko duen etorkizuna eraikitzeko».


Erakundeok elkarlanean ari dira, dagoeneko, zenbait ekimen abian jartzen, txirrindulari-

lasterketak osatzeko eta proiektuaren alderdi soziala eta eraldatzailea bistaratzeko. Hala,

aurreikusi dute prestakuntza- eta dibulgazio-jardunaldiak egitea hainbat ikastola, ikastetxe eta prestakuntza-zentrotan, harrobiko txirrindularitzari lotutako jarduerak hobeto gizarteratzeko.

 

Era berean, herritarrek parte hartzeko ekintzak programatuko dituzte, familiei zuzendutako txirrindularitza ludikoa ezagutarazteko eta sustatzeko.

 

 

Talde-lana

 

LABORAL Kutxak oso ondo baloratu du bizikletaren arloan ospe handia duten bi enpresak, ORBEAk eta Etxeondok, hasiera-hasieratik babestu duten proiektu horrekin bat egitea. «Helmugara heltzea bezain garrantzitsua da bidaide onak izatea», azpimarratu du Egibarrek.

 

Balioetan erabateko adostasuna abiapuntutzat hartuta, LABORAL Kutxak bide partekatu bati ekingo dio, beraz, 3 euskal enpresek sormena eta ahaleginak batuz Fundazioaren jarduerari babesa emateko.

 

  

Euskadi Fundazioa

 

Euskadi Txirrindularitza Fundazioa euskal txirrindularitzaren erreferentea da 1993az geroztik, eta kirol hori sustatu, ezagutarazi eta garatzea du helburu. Patronatua goitik behera berritu zen 2017an, eta Mikel Landa da oraingo lehendakaria. Oinarri soziala 1.500 bazkidek osatzen dute.

 

Horiek, mugarik gabeko maitasunaz gain, euskarri ekonomiko handia ematen diote proiektuari, 500 bat gaztek txirrindularitzan jardun dezaten.

 

 

'What is bertsolaritza' dokumentalean ere bidelagun

 

Bestalde, gaur egin dute bertsolaritza mundu zabalean ezagutaraztea helburu duen 'What is bertsolaritza' dokumentalaren prentsaurrekoa. 

 

Etxepare Euskal Institutua eta Mintxola Ahozko Lantegiarekin batera, LABORAL Kutxak bere ekarpena egin du proiektu honetan ere. 

 

20 minutuko ikus entzunezko pieza hau Youtube kanalean egongo da ikusgai datozen egunetan. Ingelesezko dokumentala da, eta euskara, gaztelera eta frantsesezko azpi idatziekin ikus daiteke. 

 

 (id: 3577370) 

 

EREMU PRIBATUA


Copyright © 2008 - MONDRABERRI
Mondraberri@gmail.com - www.mondraberri.com
Tel: 943 797837 - Arrasate Pasealekua 3-bajo / P.K. 101 - 20.500 - ARRASATE